Spered santel Doue

Oberennoù damheñvel pe handelvoù all zo ivez, gwelout Speret zakr ha divin.

Kantigou brezonek eskopti Sant-Brieg ha Landreger

A. Prud’homme, 1934 (p. 144-145)

◄ Deut, Salver ar bed

Spered santel Doue

Kanomp Nouel da Vab Doue ►

EVIT GOUEL AN NEDELEG

————

N° CIX. — Spered santel Doue.

$\version "2.22.0" \score { \new Staff { \relative c'{ \tempo "" 4.=60 \key bes \major \override Rest #'style = #'classical \time 6/8 \partial 8*1 g'8 d'4 d8 a4 bes8 | c4.~ c8 r g \break bes4 bes8 a4 bes8 | g4.~ g8 r g | d'4 d8 a4 bes8 c4.~ c8 r g | bes4 bes8 a4 bes8 | g4.~ g8 r g \break a4 a8 a( g) a | bes( a4) r g8 | c4 bes8 a4 g8 g( f4) r g8 | a4 a8 a( g) a | bes( a4) r g8 c4 bes8 a4 bes8 | g4.~ g8 r d \bar "||" g4 bes8 a4 \hideNotes g8 \bar "" } \addlyrics{ Spe -- red san -- tel Dou -- e, m’ho ped roit d’in ar c’hras da zis -- kle -- ria er -- vat eur mis -- ter zo ken bras_: an do -- ne -- di -- gez kaer eus Je -- zuz, Mab Dou -- e deut he -- noz er bed mañ e -- kreiz ar baou -- ren -- tez. Nou -- ël Nou -- ël \override LyricText #'font-shape = #'italic etc... } } \layout { indent = #00 line-width = #123 } \midi { } } \header { tagline = ##f }$

ton CXIX

Spered santel Doue, m’ho ped roit d’in ar c’hras
Da ziskleria ervat eur mister zo ken bras :
An donedigez kaer eus Jezuz, Mab Doue
Deut henoz er bed mañ e-kreiz ar baourentez.

Diskan.

E oamp ouz e c’hortoz, oar den pegeit e oa,
Da zont war an douar evit hon dasprena ;
Degouezet eo an eur ma vezimp dinec’het,
E kerig Betleem Jezuz a zo ganet.

An Nenv hag an douar o welout ar bugel
A drid a levenez en eur gana Nouel ;
Klevout reer en oabl moueziou ar Baradoz,
Hag eur sklaerder dispar splanna ’-kreiz an noz.
E-kichen Betleem eun ael a ziskennas,
Gantan eur c’helou kaer, ar c’haera bet biskoaz :
« Dihunit, emezan, ha savit, pastored,
It d’ar c’hraou da welout ho Salver zo ganet. »
Pa glev ar bastored eus e berz ar mister :
Oa deut war an douar o Mestr hag o c’hrouer,
E lezont o denved war ar roz da beuri,
Evit mont ’-trezek kêr raktal d’e adori.
N’oa ket c’hoaz sklaer an deiz pa gavjont ar bugel
En eur c’hraouig dister, eur prezeb, e gavell :
Da c’holo e gorf paour, eun tammig lienenn,
Hep eur bannac’hig tan, ha kriz ar yenijenn.
Hag int war o daoulin tro-war-dro d’ar Bugel ;
D’ober eur bedenn gaer ha da gana Nouel ;
Rei a rejont d’ezan diwar o faourentez,
Pep hini e damm prof, eur merk a garantez.
Me ho ped holl, poblou, heuilhit ar bastored
Adorit ho Krouer war ar plouz astennet ;
Ha sonjit dirazan e ranko, pa vo bras,
Astenn e izili evidoc’h war ar Groaz.
Diwar e baourentez ’teu hon pinvidigez ;
Deut eo d’hon kennerza dre e sempladurez ;
Dont da ren ’n hon c’halon Hon Salver ne glask ken
Pegen bras e c’hlac’har ma vefe kollet den ?